VIONGOZI YANGA CHAGUENI VIONGOZI BORA

viongozi bora  Send to a friend
Monday, 09 July 2012 11:26
0digg
MWISHONI mwa wiki hii utafanyika uchaguzi wa viongozi wa Yanga kwa ajili ya kujaza nafasi zilizo wazi za Kamati ya Utendaji.

Uchaguzi huo unafanyika baada ya wajumbe saba wa Kamati ya Utendaji ya Yanga kujiuzulu pamoja na  aliyekuwa Mwenyekiti wa klabu hiyo, Lloyd Nchunga kujiuzulu pia.

Hivi sasa klabu ya Yanga inaongozwa na sekretarieti ya Yanga chini ya Katibu Mkuu wa klabu hiyo Celestine Mwesigwa mpaka uchaguzi utakapofanyika Julai 15.

Uchaguzi wa Yanga utakaofanyika mwishoni mwa wiki utakuwa kwa ajili ya kupata Mwenyekiti, Makamu Mwenyekiti na wajumbe.

Wanachama mbalimbali wa Yanga wanaowania nafasi tofauti za uongozi walikuwa wakifanya kampeni katika siku za hivi karibuni, ambapo Jumapili ijayo itakuwa ni siku ya wanachama wa Yanga watakaopiga kura kuchagua viongozi wanaowaona wanastahili kuongoza klabu yao.

Tunafahamu kufanya uchaguzi ni gharama hivyo tunaamini wanachama wa Yanga watakaopiga kura mwishoni mwa wiki hawatautumia uchaguzi huo vibaya ila watatautumia kuhakikisha wanapata viongozi sahihi wa kuiongoza klabu yao kubwa nchini.

Wanachama wa Yanga wanatakiwa kuchagua viongozi wenye nia ya dhati ya kuisaidia Yanga na siyo kuchagua viongozi wanaotoa fedha kulazimisha kuingia madarakani.

Siyo vizuri wanachama wakaangalia fedha na kuwaacha watu muhimu ambao wanaweza kuisaidia Yanga kupata mafanikio makubwa nchini, barani Afrika na duniani.

Tunasema hivyo kwa sababu wanachama wa Yanga ndiyo wenye uamuzi hivyo hawatakiwi kufanya makosa na kuchagua viongozi kwa sababu wamepewa fedha ila wanatakiwa kuchagua viongozi ambao watahakikisha Yanga inapata mafanikio.

Tunapenda kuwashauri wanachama wa Yanga kukumbuka kuwa kila mara wanapopata nafasi adhimu ya kuchagua viongozi wao wawe wanatumia vizuri nafasi hiyo na kuchagua viongozi wenye dhamira ya kweli ya kuiletea maendeleo klabu hiyo.

Wanachama wa Yanga wanaelewa hawawezi kupata malaika wa kuongoza klabu hiyo kwa kuwa viongozi wao hutoka miongoni mwao wanachama wa Yanga.

Tunaamini ili klabu ya Yanga iendelee inahitaji viongozi makini wenye sifa stahiki za kuiongoza klabu hiyo, kama wanachama watachagua viongozi ambao hawana sifa za kuiongoza klabu hiyo wajue watairudisha sana nyuma Yanga na michezo nchini.

Uchaguzi wa safari hii wa Yanga ni muhimu labda kuliko chaguzi nyingine zilizopita za Yanga kwa sababu safari hii uchaguzi unafanyika wakati aliyekuwa mwenyekiti wa Yanga alijiuzulu kabla ya kumaliza kipindi chake cha uongozi.

Wanachama wa Yanga siku zote ndiyo wamekuwa ngazi ya kuwaweka madarakani viongozi wa klabu hiyo wanaoshindwa kuisaidia timu hiyo na wanaoisaidia timu hiyo ila tunaamini katika uchaguzi huu wanachama wa Yanga watatumia vizuri haki yao ya kupiga kura na kuchagua viongozi wanaostahili kuiongoza Yanga na kuisaidia Yanga.

Kwa msingi huo, tunawasihi wapiga kura wa Yanga  kutumia busara katika uchaguzi huo wa mwishoni mwa wiki. Tunaamini wakipiga kura zao kwa busara wataleta mapinduzi ya uongozi ambao utaisaidia Yanga.

Tunatarajia pia zoezi la kupiga kura litafanyika kwa ufanisi mkubwa na hakutakuwa na udanganyifu wa aina yoyote.

Ni matarajio yetu katika uchaguzi wa mwishoni mwa wiki wa Yanga watapatikana viongozi makini ambao watasimamia maendeleo ya Yanga, kwa sababu tunaamini klabu ya Yanga inastahili viongozi bora.

Comments

Post a Comment

Popular posts from this blog

KIZIGO AWAPONGEZA RUWASA,AKERWA NA UHARIBIFU WA MAZINGIRA,AWATAJA MADIWANI.

Image
 Mpwapwa. Habari. Mkuu wa wilaya ya Mpwapwa Bi Sophia Kizigo  akiongea kwenye mkutano kazi wa RUWASA na wadau wa maji uliofanyika katika ukumbi wa chuo cha Afya.(picha na Emanuel Uronu(Vaino) Mkuu wa wilaya ya Mpwapwa mkoa wa Dodoma Bi Sophia Kizigo  amezitaka jumuiya za watumia maji  kuweza kuunganisha nguvu  za jumuiya moja na nyingine ili kuweza kutoa huduma   bora  kwa wananchi. Kizigo ametoa Rai  hiyo wakati wa kikao kazi cha wadau wa maji kilichofanyika katika ukumbi wa chuo cha Afya mjini hapa   kilicho wajumuisha  Viongozi wa jumuiya za watumia maji  watendaji wa kata na vijiji napamoja na  madiwani wa kata husika , Kizigo amesema pamoja na serikali ya awamu ya sita kuweka dhamira thabiti ya kumtua  mama ndoo kichwani  lakini bado  jamii husika imeendelea   na uharibifu wa mazingira unaotishia uendelevu wa miradi mikubwa ya maji  inayowekezwa na serikali. Kupitia changamoto hiyo  ametoa siku 14 kwa madiwani wote wanasiasa na baadhi ya watendaji wa kata na vijiji wanaowakingia 
Read more

HISTORIA YA MPWAPWA HATARINI KUTOWEKA

Na Stephen –noel –mpwapwa. WANANCHI wa wilaya ya Mpwapwa mkoani Dodoma wameonyesha wasiwasi wao juu ya vitu vya kihistoria   ya wilaya hiyo vilioachwa na wakoloni iko hatarini kutoweka   kutokana   na   sehemu hizo   za kihistoria kuto kuhifadhiwa    na kulidwa na mamlaka husika. Wakiongea   na waandishi wa habari   mmoja wa wazee wakongwe wa mji huo   bwana Abinoo Mathiasi    mkazi wa   hazina alisema kuwa   miongoni mwa historia hizo ambazo   ni   njia kuu ya watumwa   iliyokuwa ikotokea   bara   yaani mikoa ya Kigoma   na Tabora   na kuelekea Bagamoyo na Zanzibar iliyokuwa ikiongozwa na Said Majid TippTip na Abushir ambayo kwa sasa iko mbioni kufutika Mti wa mlumbulumbu ambao kwa sasa umesha anguka na wanachi wameupasua kuni ambapo   palichomwa   kanisa la Anglikana la kwanza   na mfanya biashara ya watumwa   mwarabu Abushir kwa vile watu wa eneo hilo walikuwa wanapinga   biashara   hiyo mwaka 1890 eneo la Vinghawe palipo jegwa kanisa la watakatifu wote. Aidha alisema
Read more

DC KIZIGO ATOA MAAGIZO KWA KWA MAAFISA ELIMU KUKABILIANA NA UKATILI MASHULENI.

Image
  Mkuu wa wilaya ya Mpwapwa Bi Sophia Kizigo akifungua kikao   cha wadau wa Ulinzi dhidi ya Mtoto na ukatili wa kijinsia kilicho wezeshwa na Jukwaa la utu wa Mtoto CDF wilayani Mpwapwa.   Mkurugenzi Mtendaji wa  Shirika la utu wa Mtoto CDF Koshuma Mtengeti akichangia jambo  katika kikao cha kujadili ulinzi wa Mtoto wilayani Mpwapwa.   Stephen Noel-Mpwapwa.   Mkuu wa wilaya ya Mpwapwa Mkoani Dodoma Bi Sophia Mfaume Kizigo ametoa  amri kwa maafisa Elimu wote ndani ya wilaya hiyo kuhakikisha shule zote za Msingi na sekondari zinakuwa na walimu walezi kwa lengo la kupunguza vitendo vya ukatili kwa watoto wawapo shuleni. Mkuu wa wilaya hiyo ametoa agizo hilo kwenye mkutano wa Siku moja uliondaliwa na Asasi ya kiraia jukwaa la utu wa mtoto  CDF  iliyo kutanisha Wadau wote wanao fanya  afua za kumlinda mtoto na kujali ustawi wa mtoto. Amesema Ili kuhakikisha watoto wanakuwa Kwenye mazingira ya usalama lazima kunakuwapo na  watu wanao ratibu  kero zinazo wakabili watoto au pindi wafanyiwapo uk
Read more