ujasiriamali Dodoma


UJASIRIAMALI,

Aprili 27, 2012
DODOMA: Ukosefu wa mafunzo ujasiriamali kwa vijana wengi nchini umeonekana kuchangia vijana wengi kuwa tegemezi na wengine  kujiingiza katika ajira zisizo rasmi ili waweze kujikimu.
Kutokana na hali hiyo vijana wengi wamekuwa wakitangatanga na kuzurura huku baadhi yao wakiingiza katika ajira zisizo rasmi ambapo wamekuwa wakijihusisha na biashara haramu za kuuza na kutumia madawa ya kulevya na wakati mwingine hujihusisha na biashara ya ngono.
Baadhi ya vijana wanalazimika kujitumbukiza katika ajira ambazo siyo rasmi na zenye kipato duni kama anavyoeleza Nicolous Machimo, mjasiriamali anayeendesha mradi wa Babalishe katika eneo la Eneo la Makole, Manispaa ya Dodoma.
Machimo anaeleza kuwa eneo lake la mradi huo siyo rasmi na kwamba mamlaka ya manisaa ya Dodoma imekuwa kero kubwa kwa huduma hiyo inayomwingizia kipato na kuondokana na umaskini.
Amesema vijana wengi wamekosa ujuzi na mafunzo ya ujasiriamali na kwamba upatikanaji wa mitaji ni tatizo kubwa kwa vile mikopo inayotolewa na taasisi za fedha huambatana na masharti magumu ikiwemo riba kubwa na ukosefu wa udhamini wa kupata mikopo.
Mghaha wa babalishe anaoendesha Machimo unahudumia wateja kati ya 150 hadi 200 kwa siku, wengi wao ni wanafunzi wa chuo cha biashara Dodoma (CBE).
“Tunatengeneza vyakula kama chips-mayai, ndizi, kuku wa kuchoma na wa kukaanga. Pia tunauza soda za  na vinywaji vingine,”alisema Machimo.
Mghahawa huo ambao umetoa fursa ya ajira kwa vijana 6 ulianza miaka miwili iliyopita na baada ya kuvunjwa banda mgambo wa manispaa ya Dodoma hivi sasa unaendesha huduma zake chini ya mti mkubwa ambapo jiko banifu limetengwa kando kidogo na katikati huduma za mapishi zikiendelea  kwa kukatakata nyanya, vitunguu na viazi.
“Tutakwenda wapi? Tunalazimika kuendesha shughuli zetu hapahapa,”anaeleza Machimo kwa masikitiko.
Ili kuendesha huduma ya chakula kwenye mgahawa huo inalazimu kununua bidhaa mbalimbali vikiwemo viazi kutoka soko kuula Majengo ambapo gunia la viazi hununuliwa kwa shilingi 65,000/- mbali namahitaji mengine kama nyanya, kuku, vitunguu, ndizi na vinywaji.
“Hii kwangu ni kazi halali inaniwezesha kutunza familia yangu, kulipa pango la nyumba, bili ya maji na mahitaji mengine muhimu,” Machimo anasema.
Hata hivyo baadhi ya wafanyakazi wa mghahawa huo wanalalamika kuhusu kipato kidogo kisicholingana na ugumu wa kazi.
Christopher Killian anasema analipa pango shilingi 15,000 kila mwezi, bili ya maji shilingi 3000 na fedha zote zinaishia bila kuona faida ya kazi yake.







Anapendekeza Taasisi za fedha na mamlaka ya manispaa ya Dodoma kuweka utaratibu wa kutambua vijana wajasiriamali wenye mitaji midogo na kuwatafutia njia rahisi za kupata mikopo yenye masharti nafuu na kutoa mafunzo maalum ya ujasiriamali. (Daniel Msangya, Paul Mabeja, Asha Mwakyonde, Noel Stephen, Christopher Mayeye na Joel Mjengi).

Comments

Post a Comment

Popular posts from this blog

KIZIGO AWAPONGEZA RUWASA,AKERWA NA UHARIBIFU WA MAZINGIRA,AWATAJA MADIWANI.

Image
 Mpwapwa. Habari. Mkuu wa wilaya ya Mpwapwa Bi Sophia Kizigo  akiongea kwenye mkutano kazi wa RUWASA na wadau wa maji uliofanyika katika ukumbi wa chuo cha Afya.(picha na Emanuel Uronu(Vaino) Mkuu wa wilaya ya Mpwapwa mkoa wa Dodoma Bi Sophia Kizigo  amezitaka jumuiya za watumia maji  kuweza kuunganisha nguvu  za jumuiya moja na nyingine ili kuweza kutoa huduma   bora  kwa wananchi. Kizigo ametoa Rai  hiyo wakati wa kikao kazi cha wadau wa maji kilichofanyika katika ukumbi wa chuo cha Afya mjini hapa   kilicho wajumuisha  Viongozi wa jumuiya za watumia maji  watendaji wa kata na vijiji napamoja na  madiwani wa kata husika , Kizigo amesema pamoja na serikali ya awamu ya sita kuweka dhamira thabiti ya kumtua  mama ndoo kichwani  lakini bado  jamii husika imeendelea   na uharibifu wa mazingira unaotishia uendelevu wa miradi mikubwa ya maji  inayowekezwa na serikali. Kupitia changamoto hiyo  ametoa siku 14 kwa madiwani wote wanasiasa na baadhi ya watendaji wa kata na vijiji wanaowakingia 
Read more

HISTORIA YA MPWAPWA HATARINI KUTOWEKA

Na Stephen –noel –mpwapwa. WANANCHI wa wilaya ya Mpwapwa mkoani Dodoma wameonyesha wasiwasi wao juu ya vitu vya kihistoria   ya wilaya hiyo vilioachwa na wakoloni iko hatarini kutoweka   kutokana   na   sehemu hizo   za kihistoria kuto kuhifadhiwa    na kulidwa na mamlaka husika. Wakiongea   na waandishi wa habari   mmoja wa wazee wakongwe wa mji huo   bwana Abinoo Mathiasi    mkazi wa   hazina alisema kuwa   miongoni mwa historia hizo ambazo   ni   njia kuu ya watumwa   iliyokuwa ikotokea   bara   yaani mikoa ya Kigoma   na Tabora   na kuelekea Bagamoyo na Zanzibar iliyokuwa ikiongozwa na Said Majid TippTip na Abushir ambayo kwa sasa iko mbioni kufutika Mti wa mlumbulumbu ambao kwa sasa umesha anguka na wanachi wameupasua kuni ambapo   palichomwa   kanisa la Anglikana la kwanza   na mfanya biashara ya watumwa   mwarabu Abushir kwa vile watu wa eneo hilo walikuwa wanapinga   biashara   hiyo mwaka 1890 eneo la Vinghawe palipo jegwa kanisa la watakatifu wote. Aidha alisema
Read more

DC KIZIGO ATOA MAAGIZO KWA KWA MAAFISA ELIMU KUKABILIANA NA UKATILI MASHULENI.

Image
  Mkuu wa wilaya ya Mpwapwa Bi Sophia Kizigo akifungua kikao   cha wadau wa Ulinzi dhidi ya Mtoto na ukatili wa kijinsia kilicho wezeshwa na Jukwaa la utu wa Mtoto CDF wilayani Mpwapwa.   Mkurugenzi Mtendaji wa  Shirika la utu wa Mtoto CDF Koshuma Mtengeti akichangia jambo  katika kikao cha kujadili ulinzi wa Mtoto wilayani Mpwapwa.   Stephen Noel-Mpwapwa.   Mkuu wa wilaya ya Mpwapwa Mkoani Dodoma Bi Sophia Mfaume Kizigo ametoa  amri kwa maafisa Elimu wote ndani ya wilaya hiyo kuhakikisha shule zote za Msingi na sekondari zinakuwa na walimu walezi kwa lengo la kupunguza vitendo vya ukatili kwa watoto wawapo shuleni. Mkuu wa wilaya hiyo ametoa agizo hilo kwenye mkutano wa Siku moja uliondaliwa na Asasi ya kiraia jukwaa la utu wa mtoto  CDF  iliyo kutanisha Wadau wote wanao fanya  afua za kumlinda mtoto na kujali ustawi wa mtoto. Amesema Ili kuhakikisha watoto wanakuwa Kwenye mazingira ya usalama lazima kunakuwapo na  watu wanao ratibu  kero zinazo wakabili watoto au pindi wafanyiwapo uk
Read more