hali halisi ya stendi ya daladala ya jamatin Dodoma mvua inaponyesha.



LICHA ya Manispaa ya Dodoma kukusanya shilingi milioni 163,620,000 kwa mwaka katika kituo cha daladala cha Jamatin, bado kituo hicho kimejaa mashimo na takataka kiasi cha kuwa ni kero kwa wasafiri na kusababisha adha kubwa. 

Waandishi wa habari waliotembelea eneo hilo wamejionea uchafu na mashimo makubwa katika kituo hicho huku baadhi ya watu wakielndelea kulalamika kuwa wanapata kero kubwa.

Mwenyekiti wa chama cha wamiliki wa daladala mkoani Dodoma(Uwedo), Ibrahimu Mohamed, amesema kituo hicho kina jumla ya daladala 889 na kati ya hizo 20, hiace.

Mwenyekiti huyo alisema gari hizo zinakusanya ushuru wa Sh 500 kwa daladala na hiace zinatozwa sh 100 kwa kila siku lakini hawajui fedha hizo zinepelekwa wapi.

Mohamed amesema kituo hicho ni kibovu na kinahitaji ukarabati mkubwa lakini tangu mwaka 2003 amekuwa akiufuata uongozi wa Manispaa kuhusu kufanya ukarabati lakini mpaka leo bado wanatoa majibu kuwa watatengeneza bila mafanikio.

Kiongozi huyo alisema alishauandikia barua uongozi wa Manispaa ya Dodoma na kufuatilia kwa zaidi ya miaka 8 lakini hakuna kinachoendelea zaidi ya kuambiwa kuwa watatengeneza tu.

Mmoja wa wasafiri katika eneo hilo aliyejitambulisha kwa jina la Amina John, alisema kuwa kero wanayoipata katika kituo hicho ni kubwa na kwamba hawajui kama mahali pa kukimbilia.

“Hapa hatuna hata mahali pa kusimama kila mahali ni madimbwi na tope na katika madimbwi kuna vinyesi lakini katika kipindi cha jua tunaunguzwa kweli na jua,’’alisema John.

Alipotakiwa kuzungumzia kero hiyo,Afisa habari wa Manispaa ya Dodoma Gisela Mavela alisema kuwa kituo hicho kiko katika orodha ya maeneo yanayotakiwa kufanyiwa ukarabati.

Mavele alisema Manispaa ya Dodoma kwa kushirkiana na benki ya dunia wametenga fedha nyingi ambazo zitatumika kwa ajili ya kukarabati kituo hicho pamoja na stendi ya mkoa ya Dodoma.

“Siwezi kusema kwa sasa ni kiasi gani kimewekwa kwa sasa inabidi kwanza niwasiliane na wahusika ili nijue kiasi kamili kilichotengwa kwani siwezi kusema jambo lololote kabla ya kupata udhibitisho,’’alisema Mavele.

Alipotakiwa kuzungumzia fedha zinazokusanywa katika eneo hilo alishtuka na kusema “ ehe, kwani kweli tunakusanya kiasi hicho, mbona kasheshe hiyo, mimi sijui kama tunakusanya kiasi hicho lakini nitalifuatilia,’’alisema mavele

Mwisho.      

Comments

Post a Comment

Popular posts from this blog

KIZIGO AWAPONGEZA RUWASA,AKERWA NA UHARIBIFU WA MAZINGIRA,AWATAJA MADIWANI.

Image
 Mpwapwa. Habari. Mkuu wa wilaya ya Mpwapwa Bi Sophia Kizigo  akiongea kwenye mkutano kazi wa RUWASA na wadau wa maji uliofanyika katika ukumbi wa chuo cha Afya.(picha na Emanuel Uronu(Vaino) Mkuu wa wilaya ya Mpwapwa mkoa wa Dodoma Bi Sophia Kizigo  amezitaka jumuiya za watumia maji  kuweza kuunganisha nguvu  za jumuiya moja na nyingine ili kuweza kutoa huduma   bora  kwa wananchi. Kizigo ametoa Rai  hiyo wakati wa kikao kazi cha wadau wa maji kilichofanyika katika ukumbi wa chuo cha Afya mjini hapa   kilicho wajumuisha  Viongozi wa jumuiya za watumia maji  watendaji wa kata na vijiji napamoja na  madiwani wa kata husika , Kizigo amesema pamoja na serikali ya awamu ya sita kuweka dhamira thabiti ya kumtua  mama ndoo kichwani  lakini bado  jamii husika imeendelea   na uharibifu wa mazingira unaotishia uendelevu wa miradi mikubwa ya maji  inayowekezwa na serikali. Kupitia changamoto hiyo  ametoa siku 14 kwa madiwani wote wanasiasa na baadhi ya watendaji wa kata na vijiji wanaowakingia 
Read more

HISTORIA YA MPWAPWA HATARINI KUTOWEKA

Na Stephen –noel –mpwapwa. WANANCHI wa wilaya ya Mpwapwa mkoani Dodoma wameonyesha wasiwasi wao juu ya vitu vya kihistoria   ya wilaya hiyo vilioachwa na wakoloni iko hatarini kutoweka   kutokana   na   sehemu hizo   za kihistoria kuto kuhifadhiwa    na kulidwa na mamlaka husika. Wakiongea   na waandishi wa habari   mmoja wa wazee wakongwe wa mji huo   bwana Abinoo Mathiasi    mkazi wa   hazina alisema kuwa   miongoni mwa historia hizo ambazo   ni   njia kuu ya watumwa   iliyokuwa ikotokea   bara   yaani mikoa ya Kigoma   na Tabora   na kuelekea Bagamoyo na Zanzibar iliyokuwa ikiongozwa na Said Majid TippTip na Abushir ambayo kwa sasa iko mbioni kufutika Mti wa mlumbulumbu ambao kwa sasa umesha anguka na wanachi wameupasua kuni ambapo   palichomwa   kanisa la Anglikana la kwanza   na mfanya biashara ya watumwa   mwarabu Abushir kwa vile watu wa eneo hilo walikuwa wanapinga   biashara   hiyo mwaka 1890 eneo la Vinghawe palipo jegwa kanisa la watakatifu wote. Aidha alisema
Read more

DC KIZIGO ATOA MAAGIZO KWA KWA MAAFISA ELIMU KUKABILIANA NA UKATILI MASHULENI.

Image
  Mkuu wa wilaya ya Mpwapwa Bi Sophia Kizigo akifungua kikao   cha wadau wa Ulinzi dhidi ya Mtoto na ukatili wa kijinsia kilicho wezeshwa na Jukwaa la utu wa Mtoto CDF wilayani Mpwapwa.   Mkurugenzi Mtendaji wa  Shirika la utu wa Mtoto CDF Koshuma Mtengeti akichangia jambo  katika kikao cha kujadili ulinzi wa Mtoto wilayani Mpwapwa.   Stephen Noel-Mpwapwa.   Mkuu wa wilaya ya Mpwapwa Mkoani Dodoma Bi Sophia Mfaume Kizigo ametoa  amri kwa maafisa Elimu wote ndani ya wilaya hiyo kuhakikisha shule zote za Msingi na sekondari zinakuwa na walimu walezi kwa lengo la kupunguza vitendo vya ukatili kwa watoto wawapo shuleni. Mkuu wa wilaya hiyo ametoa agizo hilo kwenye mkutano wa Siku moja uliondaliwa na Asasi ya kiraia jukwaa la utu wa mtoto  CDF  iliyo kutanisha Wadau wote wanao fanya  afua za kumlinda mtoto na kujali ustawi wa mtoto. Amesema Ili kuhakikisha watoto wanakuwa Kwenye mazingira ya usalama lazima kunakuwapo na  watu wanao ratibu  kero zinazo wakabili watoto au pindi wafanyiwapo uk
Read more