na noel stephen

SERIKALI imewaagiza wakurugenzi wa halmashauri, maafisa elimu wa mikoa
na wilaya nchini, pamoja na wakuu wa shule, kuhakikisha fedha
zinazotolewa na shirika lisilo la kiserikali la Camfed linalojihusisha
na masuala ya elimu kutumika kwa malengo  yaliyokusudiwa.

Akizungumza jana na waandishi wa habari mjini hapa, Naibu waziri ofisi
ya waziri mkuu tawala za mikoa na serikali za mitaa(Tamisemi), Elimu,
Kassim Majaliwa, alisema wizara imejipanga kuongeza juhudi za
ufuatiliaji wa fedha hizo ili kuhakikisha zinawafikia walengwa na
haitasita kuwachukulia hatua kali watakaotumia fedha hizo kinyume.

Alisema serikali tayari imeonyesha jitihada za kudhibiti fedha hizo
ambazo zinafanya kazi ya kuboresha elimu hususan kwa watoto wa kike.

Hata hivyo, alisema baadhi ya walimu wakuu ambao walibainika kuzitumia
fedha hizo kinyume na matakwa walisimamishwa kazi na wengine kushushwa
vyeo.

“Kwa mfano kwa aliyekuwa mwalimu mkuu wa nyamisati na mwenzie wa
kibiti tuligundua maeneo ambayo mtoto anapaswa kupewa fedha kwa ajili
ya mahitaji mengine lakini walimu hao walikuwa hawatoi,”alisema

Aidha, Naibu huyo, alisema tayari serikali imeweka mazingira mazuri
ili Camfed iweze kufanya kazi kwa umakini na usahihi katika kuiboresha
sekta ya elimu nchini.

Alitoa wito kwa taasisi mbalimbali na mashirika yasiyo ya kiserikali
yanayojihusuisha na elimu kutatua changamoto zilizopo kwa kushirikiana
na serikali.

“Camfed ni miongoni mwa taasisi zilizoingia kwa vitendo na imeshiriki
kikamilifu katika kutatua changamoto zilizopo,”alisema

Kwa upande wake Naibu waziri wa Tamisemi anayeshughukia serikali za
mitaa, Aggrey Mwanri, alilihakikishia shirika hilo kupata ushirikiano
wa kutosha kutoka katika wizara hiyo ili kuhakikisha walengwa
wananufaika na ufadhili huo.

Alisema katika hali ya kawaida shughuli hiyo ilipaswa ifanywe na
serikali lakini kutokana na jitihada za shirika hilo serikali
itaungana nalo ili kufikia malengo yake.

Alifafanua kuwa tayari shirika hilo limeshatumia bilioni tisa, kwakuwa
sasa watafanya kazi pamoja atahakikisha fedha hizo zinawafikia
walengwa.

Naye mkurugenzi wa shirika hilo nchini, Msaada Daudi Balula, alisema
shirika hilo makao makuu yake ni Cambridge uingereza ambalo mkurugenzi
muasisi wa shirika hilo ni Ann Cotton ambaye alianza kwa madhumuni ya
kusaidia watoto wa kike kupata elimu na kujipatia ajira.

Alisema shirika hilo limeweza kusaidia watoto 6,332 tangu mwaka 2005
kupitia mradi wa Bursary na watoto 64,227 kupitia mfuko wa dharura.

Alisema pia kumekuwa na changamoto mbalimbali ikiwa ni pamoja na
tatizo la utoro na mimba kwa wafadhiliwa, kukosa ushirikiano kwa
wanajamii, ufaulu mdogo, na matumizi mabaya ya fedha za wafadhiliwa
yanayofanywa na baadhi ya wakuu wa shule.
a
Shirika hilo linafanya kazi katika wilaya za Bagamoyo, Iringa
vijijini, Morogoro vijijini, Handeni, Pangani, Kilombero, Kilosa,
Kibaha, Kilolo na Rufiji.
Mwisho.

Comments

Post a Comment

Popular posts from this blog

HISTORIA YA MPWAPWA HATARINI KUTOWEKA

Na Stephen –noel –mpwapwa. WANANCHI wa wilaya ya Mpwapwa mkoani Dodoma wameonyesha wasiwasi wao juu ya vitu vya kihistoria   ya wilaya hiyo vilioachwa na wakoloni iko hatarini kutoweka   kutokana   na   sehemu hizo   za kihistoria kuto kuhifadhiwa    na kulidwa na mamlaka husika. Wakiongea   na waandishi wa habari   mmoja wa wazee wakongwe wa mji huo   bwana Abinoo Mathiasi    mkazi wa   hazina alisema kuwa   miongoni mwa historia hizo ambazo   ni   njia kuu ya watumwa   iliyokuwa ikotokea   bara   yaani mikoa ya Kigoma   na Tabora   na kuelekea Bagamoyo na Zanzibar iliyokuwa ikiongozwa na Said Majid TippTip na Abushir ambayo kwa sasa iko mbioni kufutika Mti wa mlumbulumbu ambao kwa sasa umesha anguka na wanachi wameupasua kuni ambapo   palichomwa   kanisa la Anglikana la kwanza   na mfanya biashara ya watumwa   mwarabu Abushir kwa vile watu wa eneo hi...
Read more

MAANA YA JINA MPWAPWA

Jina MPWAPWA ni MHAMVWA ambalo lilikuwa halisi kwa wenyeji   WAGOGO na   Korongo   linalotokea   KIkombo   kuelekea   hadi sehemu inayoitwa   KWAMSHANGO, Wajerumani walipo ingia   katika Nchi hii   walishidwa   kutamka   jina   MHAMVA(mamva)   wakaita   MPAPUA   Waimgeleza   nao   katika   butawala   wao   walisdhidwa    kutamka   neno MPAPUA   Wakaita   MPWAPWA.    Wilaya ya mpwapwa ni miongoni wa mwa   Wilaya   6sita   za mkoa wa DODOMA   na   inakadiliwa kuwa na wakazi wapatao 296,966, wenye   shughuli za kiuchumi   za Kilimo cha Mtama   Mahindi , Karanga   na ALIZETI, Ufugaji   kama NG,OMBE za kienyeji   Mbuzi Kondoo, na KUKU ,Ambapo   wakazi   wake ni   wa makabila ya   WAGOGO,WAHEHE,WASAGARA,WAKAGURU,na WABENA .       Mpwapwa ipo   umbali wa...
Read more

DC KIZIGO ATOA MAAGIZO KWA KWA MAAFISA ELIMU KUKABILIANA NA UKATILI MASHULENI.

Image
  Mkuu wa wilaya ya Mpwapwa Bi Sophia Kizigo akifungua kikao   cha wadau wa Ulinzi dhidi ya Mtoto na ukatili wa kijinsia kilicho wezeshwa na Jukwaa la utu wa Mtoto CDF wilayani Mpwapwa.   Mkurugenzi Mtendaji wa  Shirika la utu wa Mtoto CDF Koshuma Mtengeti akichangia jambo  katika kikao cha kujadili ulinzi wa Mtoto wilayani Mpwapwa.   Stephen Noel-Mpwapwa.   Mkuu wa wilaya ya Mpwapwa Mkoani Dodoma Bi Sophia Mfaume Kizigo ametoa  amri kwa maafisa Elimu wote ndani ya wilaya hiyo kuhakikisha shule zote za Msingi na sekondari zinakuwa na walimu walezi kwa lengo la kupunguza vitendo vya ukatili kwa watoto wawapo shuleni. Mkuu wa wilaya hiyo ametoa agizo hilo kwenye mkutano wa Siku moja uliondaliwa na Asasi ya kiraia jukwaa la utu wa mtoto  CDF  iliyo kutanisha Wadau wote wanao fanya  afua za kumlinda mtoto na kujali ustawi wa mtoto. Amesema Ili kuhakikisha watoto wanakuwa Kwenye mazingira ya usalama lazima kunakuwapo na  watu w...
Read more