TAFADHALI MADAKATARI ,VIONGOZI MSIYAPUUZE


MIONGONI mwa habari zilizopo ukurasa wa mbele wa gazeti hili, ni tishio la Chama cha Madaktari Tanzania (MAT) la kufanya mgomo usio na kikomo wiki mbili zijazo, iwapo serikali itashindwa kuyapatia ufumbuzi madai yao ya msingi, ikiwemo nyongeza ya mshahara.
Tumeshtushwa na tishio hilo kwa kuwa bado hatujasahau madhara yaliyotokea wakati wa migomo ya Januari na Machi mwaka huu, ambapo watu waliokwenda kwenye hospitali, zahanati na vituo vya afya vya umma kupata matibabu na huduma nyinginezo hawakuzipata.
Wapo watu waliopoteza maisha, waliopata vilema vya maisha na athari nyingine nyingi ambazo mpaka hivi sasa serikali imeshindwa kutaja migomo ile iliathiri kwa kiwango gani sekta ya afya.
Tunaamini kuwa, tishio hili la madaktari linaweza kufanyiwa kazi kabla ya wiki hizo mbili ili kuepusha hali kama ile tuliyoshuhudia huko nyuma, ambapo pia baadhi ya viongozi na watendaji wa walisimamishwa kazi huku wengine wakipoteza nyadhifa zao.
Kwa mujibu wa Rais wa MAT, Dk. Namala Mkopi madaktari wamekutana jana kupata mrejesho juu ya kamati iliyoundwa na Rais Jakaya Kikwete kufuatilia madai ya madaktari, lakini wameikataa ripoti yao.
Madai ya madaktari hao ambayo serikali imeeleza kushindwa kuyatekeleza katika mwaka huu wa fedha hadi katika bajeti ya mwaka 2013/2014, ni pamoja na kuwalipa posho, ikiwamo za kulala kazini walizodai tangu mwaka 2004 ambazo hazijawahi kubadilika kutoka kiwango cha sasa cha sh 10,000 licha ya mwongozo wa serikali kuelekeza walipwe kwa nusu ya fedha ya mkoa husika.
Madai mengine ni kulipwa posho kwa wale wanaofanya kazi katika mazingira hatarishi yanayoweza kuwaambukiza magonjwa na kuwasababishia athari mbalimbali, ili iwatie morali.
Pia wanadai kulipwa posho ya kufanya kazi katika mazingira magumu, kupata posho kwa ajili ya usafiri au mkopo wa gari, kupatiwa nyumba za kuishi, kuboreshewa mishahara yao, posho ya uchunguzi wa maiti na kupatiwa bima ya afya wao na familia zao.
Sote tunatambua umuhimu wa madaktari, lakini ni vema meza ya majadiliano ikatumika kutatua matatizo yaliyopo kwenye sekta hiyo kuliko kufanyika kwa mgomo ambao huathiri zaidi wananchi.
Tunasema hivyo kwa kuwa viongozi na watendaji wa serikali hutibiwa nje ya nchi, hivyo athari za hudumu mbaya zipatikanazo kwenye hospitali, zahanati na vituo vya afya hawazijui.
Tunaiomba serikali iache tabia ya kusubiri mpaka mambo yaharibike ndipo ikae chini na kuzungumza na wahusika, huu si wakati wa kucheza na maisha ya wananchi ambao ndio wanaotoa fedha kwa ajili ya kuendesha nchi.
Chonde chonde tunaziomba pande zote mbili zinazohusika na mgogoro huu kutumia busara na hekima kutatua tofauti zilizopo.
Tusingependa madaktari wafanye kazi kwenye mazingira hatarishi, yasiyo na vifaa, mishahara midogo, lakini mambo hayo yote yanaweza kutatuliwa kama serikali itakuwa na dhamira ya dhati ya kuboresha sekta ya afya.
Ahadi na maneno matamu yasiyotekelezeka vinavyotolewa na serikali kwa wafanyakazi wake, hazipaswi kupewa nafasi wakati huu ili kunus

Comments

Post a Comment

Popular posts from this blog

DC KIZIGO ATOA MAAGIZO KWA KWA MAAFISA ELIMU KUKABILIANA NA UKATILI MASHULENI.

Image
  Mkuu wa wilaya ya Mpwapwa Bi Sophia Kizigo akifungua kikao   cha wadau wa Ulinzi dhidi ya Mtoto na ukatili wa kijinsia kilicho wezeshwa na Jukwaa la utu wa Mtoto CDF wilayani Mpwapwa.   Mkurugenzi Mtendaji wa  Shirika la utu wa Mtoto CDF Koshuma Mtengeti akichangia jambo  katika kikao cha kujadili ulinzi wa Mtoto wilayani Mpwapwa.   Stephen Noel-Mpwapwa.   Mkuu wa wilaya ya Mpwapwa Mkoani Dodoma Bi Sophia Mfaume Kizigo ametoa  amri kwa maafisa Elimu wote ndani ya wilaya hiyo kuhakikisha shule zote za Msingi na sekondari zinakuwa na walimu walezi kwa lengo la kupunguza vitendo vya ukatili kwa watoto wawapo shuleni. Mkuu wa wilaya hiyo ametoa agizo hilo kwenye mkutano wa Siku moja uliondaliwa na Asasi ya kiraia jukwaa la utu wa mtoto  CDF  iliyo kutanisha Wadau wote wanao fanya  afua za kumlinda mtoto na kujali ustawi wa mtoto. Amesema Ili kuhakikisha watoto wanakuwa Kwenye mazingira ya usalama lazima kunakuwapo na  watu wanao ratibu  kero zinazo wakabili watoto au pindi wafanyiwapo uk
Read more

HISTORIA YA MPWAPWA HATARINI KUTOWEKA

Na Stephen –noel –mpwapwa. WANANCHI wa wilaya ya Mpwapwa mkoani Dodoma wameonyesha wasiwasi wao juu ya vitu vya kihistoria   ya wilaya hiyo vilioachwa na wakoloni iko hatarini kutoweka   kutokana   na   sehemu hizo   za kihistoria kuto kuhifadhiwa    na kulidwa na mamlaka husika. Wakiongea   na waandishi wa habari   mmoja wa wazee wakongwe wa mji huo   bwana Abinoo Mathiasi    mkazi wa   hazina alisema kuwa   miongoni mwa historia hizo ambazo   ni   njia kuu ya watumwa   iliyokuwa ikotokea   bara   yaani mikoa ya Kigoma   na Tabora   na kuelekea Bagamoyo na Zanzibar iliyokuwa ikiongozwa na Said Majid TippTip na Abushir ambayo kwa sasa iko mbioni kufutika Mti wa mlumbulumbu ambao kwa sasa umesha anguka na wanachi wameupasua kuni ambapo   palichomwa   kanisa la Anglikana la kwanza   na mfanya biashara ya watumwa   mwarabu Abushir kwa vile watu wa eneo hilo walikuwa wanapinga   biashara   hiyo mwaka 1890 eneo la Vinghawe palipo jegwa kanisa la watakatifu wote. Aidha alisema
Read more

KIZIGO AWAPONGEZA RUWASA,AKERWA NA UHARIBIFU WA MAZINGIRA,AWATAJA MADIWANI.

Image
 Mpwapwa. Habari. Mkuu wa wilaya ya Mpwapwa Bi Sophia Kizigo  akiongea kwenye mkutano kazi wa RUWASA na wadau wa maji uliofanyika katika ukumbi wa chuo cha Afya.(picha na Emanuel Uronu(Vaino) Mkuu wa wilaya ya Mpwapwa mkoa wa Dodoma Bi Sophia Kizigo  amezitaka jumuiya za watumia maji  kuweza kuunganisha nguvu  za jumuiya moja na nyingine ili kuweza kutoa huduma   bora  kwa wananchi. Kizigo ametoa Rai  hiyo wakati wa kikao kazi cha wadau wa maji kilichofanyika katika ukumbi wa chuo cha Afya mjini hapa   kilicho wajumuisha  Viongozi wa jumuiya za watumia maji  watendaji wa kata na vijiji napamoja na  madiwani wa kata husika , Kizigo amesema pamoja na serikali ya awamu ya sita kuweka dhamira thabiti ya kumtua  mama ndoo kichwani  lakini bado  jamii husika imeendelea   na uharibifu wa mazingira unaotishia uendelevu wa miradi mikubwa ya maji  inayowekezwa na serikali. Kupitia changamoto hiyo  ametoa siku 14 kwa madiwani wote wanasiasa na baadhi ya watendaji wa kata na vijiji wanaowakingia 
Read more